Kthehu tek lista

Mbahet takimi i 5-të i Komitetit Drejtues të Projektit të Binjakëzimit

  Me datën 27 Janar 2022 u mbajt takimi i 5-të të Komitetit Drejtues të Projekti të Binjakëzimit të BE-së “Asistencë për zbatimin e Marrëveshjes së Stabilizim Asociimit – Direktiva e Shërbimeve e BE-së 2006/123/EC”. Në takimin e udhëhequr nga Sekretari i Përgjithshëm i MINT morën pjesën palët kryesore të përfshira në realizmin e projektit […]

 

Me datën 27 Janar 2022 u mbajt takimi i 5-të të Komitetit Drejtues të Projekti të Binjakëzimit të BE-së “Asistencë për zbatimin e Marrëveshjes së Stabilizim Asociimit – Direktiva e Shërbimeve e BE-së 2006/123/EC”. Në takimin e udhëhequr nga Sekretari i Përgjithshëm i MINT morën pjesën palët kryesore të përfshira në realizmin e projektit nga Departamenti i Tregtisë, Departamenti Ligjor dhe Departamenti i Integrimeve Evropiane të MINT, Agjencia për Shoqërinë e Informacionit-ASHI, Zyra e Kryeministrit, liderët dhe ekspertët nga shtetet e përfshira në projekt Kroacia dhe Gjermania si dhe stafi lokal i projektit. Takimi u mbajt në formë hibride kur disa nga pjesëmarrësit ishin prezent fizikisht në takim e disa në formë virtuale.

Agjenda e takimit përmbante diskutimin për çështjet si miratimi i minutave të takimit të fundit të Komitetit Drejtues, prezantimi i Raportit Kuartal të 5-të të aktiviteteve të realizuara nga projektit. Po ashtu u prezantua edhe Plani i 5-të i Punës për gjashtë mujorin e ardhshëm ku u diskutuan aktivitetet që do të realizohen dhe forma dhe afati kohor i realizimit të tyre, duke e pas parasysh edhe situatën pandemike.

Në këtë takim u bë edhe prezantimi i Pikës së Vetme të Kontaktit (në tekstin e mëtejmë: PVK)  nga operatori ekonomik i  kontraktuar nga ASHI të cilën e kanë bërë zhvillimin e këtij shërbimi në kuadër to portalit eKosova. Pika e Vetme e Kontaktit është një dritare elektronike e krijuar nga Ministria e Industrisë Ndërmarrësisë dhe Tregtisë, që ka për qëllim që t’ua lehtësoj përfituesve të shërbimeve qasjen ne veprimtarinë e shërbimeve dhe informatat e nevojshme. Aktualisht si shërbim fillestar do të ofrohet aplikimi për licencë për sektorin e auditorëve  https://ekosova.rks-gov.net/Services si dhe do të ofrohen informacione mi kërkesat e ndryshme ligjore për sektorët e tjerë të shërbimeve. Ministria e Industrisë, Ndërmarrësisë dhe Tregtisë bashkërisht me Agjencinë e Shoqërisë së Informacionit dhe ministritë e tjera përkatëse është duke planifikuar të zhvillojë më tej Pikën e Vetme të Kontaktit dhe të shtojë më shumë shërbime për të digjitalizuar proceset administrative në sektorët e profesioneve tjera.

Takimi vazhdoi edhe me disa diskutime të ndryshme si dhe u dakorduan që takimi i ardhshëm i Komitetit Drejtues të mbahet në fund të muajit prill.

Kthehu tek lista

MTI dhe Zyra e BE-së në Kosovë prezantojnë projektin që mbështet reformën e sektorit të shërbimeve në Kosovë

Ministria e Tregtisë dhe Industrisë dhe projekti i binjakëzimit i financuar nga Bashkimi Evropian “Asistencë për zbatimin e Marrëveshjes së Stabilizim Asociimit – Direktiva e Shërbimeve e BE 2006/123/EC” zyrtarisht organizuan ngjarjen lansuese të projektit me 25 Janar 2021 në mënyrë virtuale duke i respektuar masat aktuale anti-covid.

Ministria e Tregtisë dhe Industrisë dhe projekti i binjakëzimit i financuar nga Bashkimi Evropian “Asistencë për zbatimin e Marrëveshjes së Stabilizim Asociimit – Direktiva e Shërbimeve e BE 2006/123/EC” zyrtarisht organizuan ngjarjen lansuese të projektit me 25 Janar 2021 në mënyrë virtuale duke i respektuar masat aktuale anti-covid.
Kjo ngjarje u nderua me prezencën e ambasadorëve të Kroacisë dhe Gjermanisë në Kosovë, Përfaqësuesit të Posaçëm të Zyrës së Bashkimit Evropian në Kosovë, përfaqësuesit e projektit të binjakëzimit nga të dy shtetet anëtare, homologët e tyre nga vendi përfitues të cilët ishin folësit e këtij eventi si dhe Zv/Sekretarja e Përgjithshme e MTI-së, Departamenti i Tregtisë dhe Departamenti Ligjor i MTI-së.
Qëllimi i ngjarjes lansuese ishte të informoheshin institucionet, komuniteti i bizneseve dhe shoqatat dhe poashtu palët e tjera të interesit duke përfshirë publikun e gjerë lidhur me synimet dhe rezultatet e pritshme të projektit i cili do të zbatohet gjatë dy viteve të ardhshme.
Kosova së fundmi ka shënuar progres në fushën e digjitalizimit të tregtisë në shërbime ku është krijuar baza e të dhënave “Pika e Kontaktit për Shërbime” e cila mundëson lehtësimin e qasjes për të gjitha palët e interesit në kornizën ligjore që rregullon aktivitetet e shërbimeve në Kosovë, pra duke i ndihmuar të operojnë ata që tanimë janë të pranishëm në treg si dhe ata që dëshirojnë të fillojnë të ofrojnë shërbime në Kosovë.
Është theksuar se bashkëpunimi i dyanshëm në projektin e binjakëzimit “Asistencë për zbatimin e Marrëveshjes së Stabilizim Asociimit – Direktiva e Shërbimeve e BE 2006/123/EC” mund të ketë tutje ndikim pozitiv sa i përket zhvillimit të reformës së sektorit të shërbimeve në Kosovë.
Me përafrimin e plotë të legjislacionit vendor me Direktivën e Shërbimeve, mund të hiqen shumë lloje të pengesave administrative dhe rregullative për lirinë e ofrimit të shërbimeve.
Harmonizimi i rregulloreve sektoriale me Direktivën e Shërbimeve inkurajon thjeshtësimin dhe digjitalizimin e procedurave administrative në mënyrë që të thjeshtësojë procesin e licencimit për aktivitetet specifike në sektorin e shërbimeve dhe ofrimin e të gjitha informatave në një vend.
Prandaj, fokusi i këtij bashkëpunimi ndërmjet BE, Republikës së Kroacisë, Republikës Federale të Gjermanisë dhe Republikës së Kosovës është të zhvillojë një udhërrëfyes të Pikës së Vetme të Kontaktit (PVK) moderne dhe lehtë të përdorueshme për bizneset bazuar në kornizën e vendosur rregullative në përputhje me dispozitat e Direktivës së Shërbimeve të BE 2006/123/EC e cila ka për qëllim fuqizimin e ekonomisë së Kosovës dhe të sigurojë progresin e vendit në rrugën drejt anëtarësimit në BE.
Gjatë dy viteve të ardhshme, projekti i financuar nga BE do të mbështesë Qeverinë e Kosovës të zhvillojë tutje kapacitetet e saj institucionale për të krijuar bazën për një mjedis të qëndrueshëm për zhvillimin e sektorit privat në përputhje me trashëgiminë ligjore të BE dhe kërkesat e MSA.
Qëllimi i përgjithshëm i këtij projekti, i cili do të zbatohet nga konzorciumi i institucioneve relevante partnere nga Kroacia dhe Gjermania dhe nga Ministria e Tregtisë dhe Industrisë është të përkrahë tutje integrimin e Kosovës në ekonominë botërore dhe të fuqizojë rolin e administratës së Kosovës në qeverisjen ekonomike përmes funksioneve efektive rregullative në përputhje me obligimet e Marrëveshjes së Stabilizim Asociimit.
Projekti i binjakëzimit do të mbështesë tutje zhvillimin e ekonomisë së Kosovës duke i zvogëluar ngarkesat administrative, duke vendosur një kornizë ligjore më të qartë dhe duke ofruar qasjen më të lehtë të informimit mbi rregulloret e sektorit të shërbimeve përmes Pikës së Vetme të Kontaktit.
Për më shumë, rezultatet e cekura të projektit te binjakëzimit do të kenë efekte pozitive në qasjen më të lehtë në treg për bizneset duke rritur konkurrencën e ndërmarrësve përmes dinamizmit në treg, madje duke rritur inovacionin dhe ofruar më shumë mundësi si dhe zgjedhje për konsumatorët.

Kthehu tek lista

MTI lansoi data-bazën për Tregtinë në Shërbime

Ministria e Tregtisë dhe Industrisë/Departamenti i Tregtisë, me mbështetjen e projektit të financuar nga BE dhe qeverisë gjermane nëpërmjet GIZ

Ministria e Tregtisë dhe Industrisë/Departamenti i Tregtisë, me mbështetjen e projektit të financuar nga BE dhe qeverisë gjermane nëpërmjet GIZ, ka lansuar data-bazën për tregtinë në shërbime, ku të pranishëm ishin ministri i Tregtisë dhe Industrisë, Vesel Krasniqi; Zëvendësuesja e Sekretares së Përgjithshme të Ministrisë së Tregtisë dhe Industrisë Gentiana Islamaj; Zv/shefi i Zyrës së BE-së në Kosovë, Ricardo Serri; Zv/Ambasadori Gjerman Jan-Axel Voss; udhëheqësi i projektit që mbështet procesin e Integrimit në BE në kuadër të GIZ-Kosova, Mark Barret dhe udhëheqësi i projektit të BE-së për Tregti, Luis Abugattas.
Me këtë rast, ministri i Tregtisë dhe Industrisë, Vesel Krasniqi tha se sektori i shërbimeve është segmenti më i rëndësishëm që kontribuon në punësim. “Sektori i shërbimeve është segmenti më i madh i ekonomisë së Kosovës dhe forca shtytëse, që kontribuon në pjesën më të madhe, në vlerën e shtuar, në punësim dhe në tregtinë vendore, kështu që veprimtaritë e shërbimeve kanë mbuluar 74 për qind të prodhimit të brendshëm bruto në vitin 2019 dhe ka punësuar 85 për qind të forcës së përgjithshme të punëtorëve në Kosovë. Gjithashtu eksporti i tregtisë në shërbime për vitin 2019 ka arritur vlerën 1.6 miliard euro.”, theksoi ministri Krasniqi.

Ai potencoi se qëllimi kryesor i kësaj baze të të dhënave është të lehtësojë qasjen për të gjitha palët e interesit në kornizën ligjore, që rregullojnë aktivitetet e shërbimeve në Kosovë, duke ndihmuar kështu në operimin e atyre që tanimë janë në treg dhe të atyre sipërmarrësve që duan të fillojnë të ofrojnë shërbime në Kosovë.

Duke e vlerësuar platformën elektronike për tregti në shërbime, ministri Krasniqi tha se kjo platformë është vetëm një hap i suksesshëm drejt themelimit të Pikës së vetme të kontaktit, në bazë të Direktivës së Shërbimeve të Komisionit Evropian dhe Ligjit të Shërbimeve.

Ricardo Serri, nga Zyra e Bashkimit Evropian në Kosovë theksoi se është mirë që në këtë projekt të punohet bashkë, pasi është pjesë e partneritetit në mes tyre.

“Kemi prekur disa prej çështjeve kryesore, të cilat edhe unë do të doja t’i përsëris dhe t’i theksoj në këtë ditë të rëndësishme për ne, sepse është dita që lansohet ky projekt, Pika Kontaktit për Shërbime”, tha Serri duke shtuar se kjo është diçka për të cilën është mirë të punojmë në këtë projekt së bashku me partnerët tjerë.

Ndërsa, Mark Barret, udhëheqës i projektit që mbështet procesin e Integrimit në BE në kuadër të GIZ-Kosova, tha se përmes këtij projekti dëshmohet se zbatimi i MSA-së është shumë praktik dhe rrugë e sigurt drejt integrimit në BE.

“Edhe në këto rrethana të pandemisë ja kemi dal që të përfshihemi në disa aktivitete që kanë të bëjnë me procesin e integrimit. Mendoj se zhvillimi i kësaj pike tregon se si procesi i integrimit me MSA është shumë praktik”, ka thënë Barret. Ai ka shtuar se ka shumë diskutime dhe ajo që zbatohet nëpërmjet këtij procesi bëhet shumë reale dhe ka të bëjë me përmirësimin e gjendjes ekonomike dhe se është diçka që ndihmon në rrugëtimin e Kosovës përpara. Sipas z. Barret, krijimi i kësaj pike kontaktuese është hapi i parë drejt integrimit. Ai falënderoi MTI/DT për proaktivitetin dhe koordinimin e shkëlqyeshëm të këtij procesi kur kihet parasysh fakti që ka qenë më shumë së një donator.

Dhe, krejt në fund u bë prezantimi i platformës elektronike para të pranishmëve nga Shqipe Jashari Sekiraqa – udhëheqëse e Divizionit për Marrëveshje Tregtare në Departmentin e Tregtisë.